Mnr. & Mej. Zwarrie

Oktobermaand…spogtyd…glans en swier!

In Zwarrieland is almal in rep en roer, want daar word weereens gesoek na ons eie Mnr. en Mej. Zwarrie!

Uit 90 inskrywings moet daar aan die einde net 11 seuns en 11 meisies gekies word. Om die gunstelinge te kan kies, word daar onderhoude gehou, borge ingesamel en semi-finale in die vierkant voor die skool gehou, waartydens leerlinge ook 'n geleentheid kry om te kan stem vir hulle keuse.

Dan…die kroning! Wat 'n genotvolle aand. 'n Hele vertoning word aangebied deur die finaliste, waarna meisies asemrowende aandrokke vertoon.

Natuurlik is dit die opwinding en eer daarvan om deel te neem aan die kompetisie, wat die finaliste laat oefen en borge insamel. 'n Groot dankie vir hul harde werk, is egter die pryse  wat onder die wenners, naaswenners en ander finaliste verdeel word. Daar word elke jaar met opgehoue asems uitgesien na nog 'n spoggeleentheid!

Maar na die groot kroning is alles nie verby nie. Dan raak die finaliste betrokke by verskeie liefdadigheidsorganisasies en ploeg so terug in die skool se gemeenskap. 

 

Ons jaarlikse Mnr & Mej Zwarrie is altyd ‘n glansryke geleentheid.  Hulle is in 2017 by ‘n glansgeleentheid aangewys en lyk die uitslae soos volg:

Debutant (Meeste Borge): Juandré Scholtz

Mnr. Persoonlikheid: Francois Grobler

Mej. Persoonlikheid: Erika Richardt

Mnr. Fotogenies: Bernard Lubbe

Mej. Fotogenies: Elzanné Fourie

2de Prins: Bernard Lubbe

2de Prinses: Mareli Botha

1ste Prins: Juandré Scholtz

1ste Prinses: Danica Strydom

Mnr Zwarrie: Francois Grobler

Mej Zwarrie: Kaylin Kriegler