Op Zwarrie-bodem is krieket ‘n prioriteit en is die doelwit om die skool as een van die top krieketskole in Pretoria te vestig.

Hoërskool Zwartkop beskik oor ‘n gedugte span krieketafrigters en die spanne neem  aan die A-afdeling van die liga deel. Daar is ‘n Elite-voorbereidingsgroep wat in die tweede kwartaal oefen en vir die res van die jaar word daar elke oggend oefensessies in die binneshuise sentrum aangebied.

Die Zwarrie-krieketspelers het die geleentheid om ‘n moderne binneshuise krieketsentrum te gebruik.  Die twee krieketvelde beskik oor turfkolfblaaie.  Die oefennette is opgegradeer en voldoen aan die hedendaagse standaarde.

Verder word krieket in graad 8 en 9 as ‘n deel van Sportkunde aangebied met ‘n praktiese- en teoretiese komponent wat voorkeur geniet.

In die eerste kwartaal neem drie spanne aan die Finsbury-, sowel as die IXU-ligas deel. Tydens die derde kwartaal speel 7 seunspanne, sowel as 2 dogterspanne onder die vaandel van die Northerns Cricket Union.

In Januarie sowel as Junie, woon die Zwarrie-krieketspelers klinieke en toernooie by.

Hoërskool Zwartkop spog ook met besonderse kriekettalent in die vorm van Pierre de Bruyn wat 91 eersteklas wedstryde gespeel het.  Hy is ook die afrigter van die Namibiese nasionale span en het die graafskap Leicestershire afgerig.

Vir enige inligting aangaande die krieket of hoe om betrokke te raak, e-pos gerus vir mnr. Francois Viljoen by viljoen.f@zwarries.co.za of krieket@zwarries.co.za